Poschiavo,
2–4 october 2026

Poschiavo,
2–4 october 2026

In festival cumpletta­main deditgà a la producziun litterara svizra en las quatter linguas naziunalas.

In festival cumpletta­main deditgà a la producziun litterara svizra en las quatter linguas naziunalas.

Tut ils eveniments èn gratis

Gievgia als 1. d’october

a las 17:20, Piazza Poschiavo (DE/FR/IT)

Prelecziuns en 3 linguas da las persunas che han participà al lavuratori da translaziun litterara

Venderdi als 2 d’october

a las 20:00, Casa Torre

Salids inaugurals

a las 20:30, Casa Torre

Cinzia Regens­burger, chantadura e pianista da Scuol, collia la musica classica cun il pop/jazz, la lingua rumantscha e la natira da l’Engiadina.
Cun ses concert preschenta ella ses nov EP «Per Tai», in viadi musical tras l’amur. Las chanzuns quintan dals emprims radis da sulegl, da segundas schanzas, da bels muments e regurdientschas. Ella As spetga sin tribuna cun clavazin, Wurlitzer e cun ils suns da sia piano-band.
Cinzia vegn accumpagnada da las choristas Samira e Rahel. Cun saut, musica ed elements sensuals da scena nascha in concert tutgant. Il public po s’allegrar d’in concert plain emoziun, sun, colliaziun cun la natira e poesia.

Lura: Ex maglieria, Poschiavo, printgas d’avertura e musica

Sonda als 3 d’october

9:45 — 12:45 e 14:15 — 18:45, Centro Parrocchiale

Quatter vias èn avertas sonda e dumengia:

  • Tadlar raquints per talian, tudestg, rumantsch, franzos e piripù
  • Liar cudeschins, cudeschets e cudeschuns
  • Inventar e quintar istorgias
  • Sfegliar paginas pitschninas, leger pleds infinids, guardar maletgs che discurran e sfundrar en ils cudeschs

Per l’uffant è la litteratura raquintar, tadlar, lingua, relaziun tranter tgi che legia e tgi che taidla, illustraziun e maletg interiur. Ils cudeschs èn er objects fisics, experientscha sensoriala ed emoziunala. Cun tadlar ils raquints, giugar ad inventar istorgias ensemen, a fabritgar ses agen cudesch, han ils ateliers la finamira da manar ils uffants pli damanaivel da la litteratura.

Permetter als uffants da viver la fascinaziun per ils cudeschs, sco funtauna d’experientscha, ma er sco objects concrets, dad enconuscher els e dad emprender ad avair els gugent.

a las 10:00, Casa Torre (IT)

Massimo Gezzi 

ha publitgà il cudesch da raquints Le stelle vicine (Bollati Boringhieri, 2021, finalist dal Premi Mastercard Letteratura Esordienti), il roman Adriatica (Gramma Feltrinelli, 2025) ed ils cudeschs da poesia Il mare a destra (Edizioni Atelier, 2004), L’attimo dopo (luca sossella editore, 2009, Premi Metauro), Il numero dei vivi (Donzelli, 2015, Premi Carducci, Premi Tirinnanzi e Premi svizzer da Litteratura), Uno di nessuno. Storia di Giovanni Antonelli, poeta (Casagrande, 2016), Sempre mondo (Marcos y Marcos, 2022).
Per Mondadori ha el tgirà l’ediziun commentada dal Diario del ’71 e del ’72, d’Eugenio Montale (2020) e lo Specchio Poesie 1975-2025, da Franco Buffoni (2025); per Marcos y Marcos las Poesie scelte, da Luigi Di Ruscio (2019) e La città lontana. Poesie 1993-2009, d’Adelelmo Ruggieri (2021). Ensemen cun Italo Testa ha el fundà e coordinescha il site «Le parole e le cose» e maina, ensemen cun Fabio Pusterla, la retscha da poesia Le Ali per Marcos y Marcos. El viva a Lugano, nua ch’el instruescha en la scola chantunala.

Laura Pugno, poetessa, autura da prosa ed essayista. Tranter ses davos cudeschs hai ils romans Noi senza mondo, La metà di bosco, La ragazza selvaggia – Premi Campiello Letterati – e Sirene (Marsilio); ils essays Oracolo manuale per poete e poeti, cun Giulio Mozzi (Sonzogno), In territorio selvaggio (Nottetempo) e L’oltre. Poesia, Terzo paesaggio, Terza natura? (Il Saggiatore); las racoltas da poesia I nomi (La Nave di Teseo, Premis Laudomia Bonanni, CeSPOLA, Marineo e Forum Traiani) e Noi (Amos, Premi Franco Fortini); la tarabla Melusina, illustrada dad Elisa Seizinger (Hacca). Ella collavurescha cun Il Venerdì da Repubblica e TuttoLibri da La Stampa. Poesia come paesaggio per Radio 3. Ella scriva per teater, kino e radio ed è commembra dal comité scientific dal Premio Strega Poesia. Ella ha manà l’Istituto Italiano di Cultura a Madrid.
a las 11:30, Casa Torre (DE/IT)

Julia Weber è naschida il 1983 en Moshi (Tansania) ed il 1985 ha ella fatg midada a Turitg cun sia famiglia. Da 2009 enfin 2012 ha ella studegià scriver litterar a l’Institut svizzer da Litteratura a Bienna. Il 2012 ha ella fundà il Literaturdienst (www.literaturdienst.ch) ed il 2015 ha ella co-fundà la gruppa artistica «Literatur für das, was passiert» per sustegnair la glieud fugitiva.
La primavaira 2017 è cumparì ses emprim roman «Immer ist alles schön» tar Limmat Verlag a Turitg, che ha survegnì plirs premis, tranter auters il premi internaziunal Franz-Tumler-Literaturpreis e l’Alfred Döblin Medaille da l’Universitad Mainz. Il 2019 ha Julia Weber fundà cun sis autras auturas il collectiv feminin d’auturas «RAUF». La primavaira 2022 è cumparì tar Limmat Verlag ses segund cudesch «Die Vermengung», che ha survegnì il ZKB Schillerpreis il 2023. La primavaira 2026 è cumparì ses terz roman «Weil ich Ruth bin», er tar Limmat Verlag.

è translatura dal franzos, dal talian e dal rumantsch. Tranter sias davosas translaziuns chattain nus «wo das gewitter singt» d’Alexandre Lecoultre (Der gesunde Menschen­versand), «Tombola» da Jérémie Gindre (cun Steven Wyss, die brotsuppe), «Nebel­flüchtige» da Flurina Badel (Rotpunktverlag) e «Dem Tag gehören» dad Emma Doude van Troostwijk (die brotsuppe). Enfin avust 2025 è ella stada coordinatura dal project «Viceversa» e responsabla da l’ediziun tudestga da la revista e da la website trilingua viceversa­letteratura.ch. Redactura e mediatura culturala, ella è secretaria generala da la Fondazione Casa Atelier di Bedigliora.

a las 14:30, Casa Torre (IT)
Suenter avair absolvì il gimnasi a Como ha Sara Catella studegià Litteratura e filosofia a l’Università Statale da Milan. Ella ha in diplom da l’Institut Litterar Svizzer da Bienna, in Master en translaziun da la Berner Fachhochschule, ed in CAS en Gender studies da l’Universitad da Losanna. Ella metta ensemen la producziun litterara e l’engaschi per il dialog cultural. Ella moderescha discussiuns ed organisecha eveniments da litteratura e translaziun, contribuescha a la vita culturala cun ina preferenza per la lavur collectiva. Per las Edizioni Casagrande ha ella translatà, ensemen cun Gregory Catella, l’essay Passare a ogni costo, da Georges Didi-Huberman (2019). Il 2022 ha ella publitgà ses emprim roman, Le malorose. Confidenze di una levatrice, puspè tar Casagrande. Il 2023 la translaziun collectiva dad Un incontro a Pechino, da Jean François Billeter. Il 2024 ha la chasa editura da Losanna ASKIP publitgà Histoire un peu gourmande, in cudesch per uffants scrit da Sara Catella ed illustrà da Cécile Koepfli. Da 2026 è Perché non esiste più la panna montata che mangiavo da bambina (Edizioni Casagrande).
Noemi Nagy (1996) è naschida en Svizra en ina famiglia ungaraisa da la Transilvania. Ella ha absolvì ina dissertaziun en Filologia moderna e viva tranter Lugano e Milan. Ella collavurescha cun pliras revistas ed instituziuns culturalas, sco «Treccani», «L’Ulisse», «Versodove», translatescha dal franzos e da l’ungarais. Il 2023 ha ella survegnì il Premi Nuovi Argomenti (sezione Poesia). Sia ovra da debut, L’osso del collo, furma part dal XVI Quaderno italiano di poesia contemporanea (Marcos y Marcos, 2023). Ses texts èn vegnids translatads en spagnol en l’antologia Palabras jóvenes de Italia (Colección Sur Editore, 2024), tgirada dad Antonio Nazzaro. La racolta Sottopelle (2025) è cumparida tar Samuele editore en la retscha Collana Gialla da Pordenonelegge ed il 2026 ha ella survegnì il Premi Terra Nova da la Fundaziun Schiller Svizra.

Alice è il magazin emnil da Rete Due che s’occupa da litteratura. Tut las sondas dapi las 14:35 chattan istorgias, cudeschs ed ideas in lieu per vegnir profundads grazia a scuntradas cun auturas ed auturs, editur:as e translatur:as.

Suenter in diplom en litteratura e pliras experientschas da lavur sa preschenta Moira Bubola tar RSI. Ella fa ses emprims pass tar Rete Tre e suenter inqual onns, grazia a sias duas passiuns – kino e litteratura – sa tschenta ella dal tuttafatg natiralmain tar Rete Due. Qua s’occupa ella d’actualitad cultural en il senn pli vast e vegn ella er en televisiun per preschentar pliras sairadas spezialas ed a la fin manar la redacziun da l’actualitad culturala. Suenter in pèr onns en questa rolla vegn ella elegida per manar il Centro competenza cinema e letteratura, ina redacziun transversala en tut la firma che suonda a moda punctuala festivals ed eveniments litterars e da kino. Tranter sias grondas amurs resista e vegn adina pli ferma quella per la poesia – l’emprima gronda amur che l’aveva motivada da studegiar litteratura.
a las 16:00, Casa Torre (RM/IT)
Göri Klainguti (1945) es creschieu sü a Puntraschigna. Zieva la scolaziun da magister secundar a Turich è’l sto püs ans magister a Samedan, Ardez e Zuoz. Dal 1990 ho’l surpiglio üna puraria a Samedan, inua ch’el abita eir uossa. El es marido cun Seraina Famos, els haun duos figlias e tschinch abiedis. Tuot ils cudeschs da Klainguti sun scrits in rumauntsch puter. L’ultim ho il titel «Na, ogets nu discuorran» e quelo “disch” in üna nüvletta ün rispli disigno.
Flurina Badel è in’autura ed artista polifona. Sia lavur artistica sa sviluppa enturn il sentiment dal «nus» en sias expressiuns multifaras: experimental, sco en la racolta poetica «tinnitus tropic» (Premi svizzer da Litteratura 2020) e la performanza solo «disgust», u concret e narrativ, sco en il roman «Tschiera» (Premi grischun da Litteratura 2025) – per il pli cun umor ed al medem temp seriusitad. Badel s’engascha cun sias creaziuns per la litteratura plurilingua ed è tranter auters redactura responsabla da l’emissiun litterara «Impuls» da RTR, moderescha e tgira eveniments sco il festival LitteraturA Nairs ed instruescha en seminaris sco «Linguistic autobiography in literature» a la Banaras Hindu University e la Masterclass «Multilingualism as tool for literary writing» a l’ArtEZ University of the Arts Arnhem.
a las 17:30, Casa Torre (FR/DE/IT)
Raphaëlle Lacord e Natalia Proserpi preschentan la 20avla ediziun da la revista viceversa, ensemen cun l’autur Kay Matter e las auturas Sarah Elena Müller ed Anne-Sophie Subilia.
Sco revista svizra da barats litterars permetta viceversa da scuvrir las vuschs dad autur*as da l’entir pajais, en lingua originala e translatadas. Ils texts da viceversa cumparan mintg’atun en la revista e durant tut l’onn sin LittératureSuisse.
Per sia ventgavla ediziun ha viceversa ina nova redacziun ed in nov project. Texts inedids e lur translaziuns suttascrits dad autur*as e translatur*as or da tut la Svizra, rimnads en in’ediziun plurilingua. Da l’essay al raquint, da la critica a la litteratura per uffants e giuvenil*as, da la poesia al roman grafic ed er texts da scrittira collectiva.
Kay Matter (*1998 a Turitg) è autur e dramaturg. El è creschì si a Turitg ed en l’Italia dal Nord ed ha studegià Scrittira scenica a l’Universität der Künste da Berlin. Ses texts da teater vegnan represchentads internaziunalmain ed èn vegnids premiads pliras giadas. Dacurt ha el scrit la trilogia Stützliwösch Supertrans per il Schauspielhaus Zürich. Il 2024 è cumparida sia prosa da debut da genre-bending Muskeln aus Plastik, tar Hanser Berlin, ch’è l’emprim cudesch litterar che s’occupa da post-Covid en il spazi da lingua tudestga. Il 2025 è Kay Matter vegnì envidà per l’Ingeborg-Bachmann-Preis. Da preschent lavura el en ina residenza Milano Calling da l’Institut Svizzer per in nov manuscrit ed in nov toc da teater.
Sarah Elena Müller sa mova tranter litteratura, musica, perscrutaziun e performanza. Ella emprova, chatta e transfurma l’experientscha en diversas furmas narrativas. Ses roman da debut Bild ohne Mädchen (2023) ha survegnì plirs premis, è vegnì nominà per il Schweizer Buchpreis ed il Rauriser Buchpreis ed è translatà en franzos e serbocroat. Durant diesch onns ha ella dà concerts cun il combo da spoken pop Cruise Ship Misery ed ha dà ora dus albums. Da preschent lavura ella cun l’illustratur Luca Schenardi per in roman grafic e scriva il libret “Renn Fötus” per la cumpagnia d’opera independenta Merce & John. Dapi 2024 lavura ella en il team da la gruppa da perscrutaziun dal FNS SNF Autofiktion & Bewusstsein. Sarah Elena Müller è creschida si ad Amden, lavura dapertut, nua ch’ins lascha lavurar ella, e viva a Bümpliz. Ses davos roman, Unwucht, è cumparì l’avust 2026 tar Limmat Verlag.
Anne-Sophie Subilia, naschida il 1982 d’in bab svizzer ed ina mamma belgia, ha vivì a Berlin, Strasbourg e Montréal e viva ussa a Losanna. Ella è autura da romans e poetessa, ha scrit tranter auters Glissando (Zoé, avust 2026), L’épouse (Zoé, 2022, Premi svizzer da Litteratura 2023, nominada per ils Premis Femina e Médicis), Neiges intérieures (Zoé, 2020) e abrase (Empreintes, 2021). Ses romans sa caracteriseschan tras in linguatg precis e poetic ed in’egliada ordvart perspicazia en l’interiur da sias figuras. Ella scriva er per ovras collectivas e revistas, per il radio ed er per la scena, cun il monolog Qui-vive u cun Hyperborée, ina performanza inspirada d’ina navigaziun lung las rivas grönlandaisas (2019). Ella collavurescha regularmain cun la musicista Chloé Charrière per cumponer prelecziuns musicalas da ses texts. Ella ha scrit il roman Le Jour des silures (Zoé, 2023), ensemen cun Matthieu Ruf, Aude Seigne e Daniel Vuataz.
a las 20:30, Casa Torre (FR/IT)
Thierry Raboud è naschì e creschì si en il Vallais, el è poet, autur e criticher da litteratura per la gasetta quotidiana La Liberté. El ha publitgà pliras racoltas da poesia, tranter autras Crever l’écran (Empreintes, 2019), Premi Pierrette Micheloud, e Terres déclives (Empreintes, 2022), scrit cun maschina da scriver, premi Tirage Limité/BCU, translatà en talian (Valigie Rosse) ed en tudestg (Die Brotsuppe).
El publitgescha er en revistas, en Svizra ed en Frantscha, e suttascriva cudeschs d’artists en collavuraziun cun fotografs, picturs artists u illustraturs. Questa primavaira ha el publitgà ses emprim raquint documentar, Un monde en liquidation, Histoires postglaciaires (La Baconnière), ch’è vi da vegnir translatà. Thierry Raboud è er engaschà en il rom da la performanza e da l’installaziun ed expona regularmain sias ovras tipograficas, che sa chattan en pliras collecziuns publicas e privadas en Svizra.
Valentina Grignoli, autura e schurnalista culturala freelance, scriva per la Regione, Ticino 7, Rsi cultura, Heidi.news e revistas spezialisadas da litteratura, teater, kino e societad. Ella è autura da podcast e documentars da radio per RSI, l’Uffizi federal da cultura e Viceversa. Ella s’occupa da litteratura e teater, e da temas savens colliads cun la societad d’ozendi. Spezialmain: la relaziun tranter uman e natira (premi ATG cronaca locale cun Selvatici, SwissPressAward science cun Uomo e orso: prove di coesistenza), ils dretgs da las dunnas (podcast Anna Swiss Riot Girlsss, Premi Ermizia cun La voce delle donne, Premi USSI cun Ajla e la fiamma di Olimpia) ed il mund dals giuvenils. Sco dramaturga è ella vegnida selecziunada per la scola da dramaturgia ambulanta da Lucia Calamaro, per represchentar in’ovra dad ella a Venezia, ed ha scrit diversas ovras da teater per uffants. Sco autura ha ella duas publicaziuns, Orme selvatiche, ZicZic edizioni, Bari, e Case di Cose, Matita edizioni a Venezia.

Dumengia als 4 d’october

9:45 — 12:45 e 14:15 — 18:45, Centro Parrocchiale

Quatter vias èn avertas sonda e dumengia:

  • Tadlar raquints per talian, tudestg, rumantsch, franzos e piripù
  • Liar cudeschins, cudeschets e cudeschuns
  • Inventar e quintar istorgias
  • Sfegliar paginas pitschninas, leger pleds infinids, guardar maletgs che discurran e sfundrar en ils cudeschs

Per l’uffant è la litteratura raquintar, tadlar, lingua, relaziun tranter tgi che legia e tgi che taidla, illustraziun e maletg interiur. Ils cudeschs èn er objects fisics, experientscha sensoriala ed emoziunala. Cun tadlar ils raquints, giugar ad inventar istorgias ensemen, a fabritgar ses agen cudesch, han ils ateliers la finamira da manar ils uffants pli damanaivel da la litteratura.

Permetter als uffants da viver la fascinaziun per ils cudeschs, sco funtauna d’experientscha, ma er sco objects concrets, dad enconuscher els e dad emprender ad avair els gugent.

a las 10:00, Casa Torre (IT)
Laura Accerboni (1985) viva a Ginevra. Ella ha publitgà sia emprima racolta da poesia, Attorno a ciò che non è stato,
il 2010 (Premi Achille Marazza Opera Prima 2011), suandada da La parte dell’annegato (2016). Sias duas davosas racoltas, Acqua acqua fuoco (2020), finalista dal Premi Elio Pagliarani 2021, ed Il prima e il dopo dell’acqua (2024) finalista dal Premi Dessì 2024, dal Premi Lerici Pea 2025 e che ha survegnì il Premi Tir 2025, èn cumparidar tar Einaudi. Ses texts èn publitgads en pliras revistas, talianas ed estras, ed èn vegnidas translatadas en pli che 15 linguas. Dapi 2016 è ella ina dals poets elegids per il project «Versopolis», sustegnì da l’Uniun Europeica. Ella s’occupa da la relaziun tranter poesia ed arts visuals: ella ha collavurà cun la Fundaziun Mario Novaro di Genova ed en ils davos onns cun Artissima per realisar in’ediziun dal podcast Lo stereoscopio dei solitari ed Electa per ina sentupada davart l’exposiziun Louise Bourgeois. L’inconscio della memoria (Galleria Borghese).
Mara Travella (1993), ha absolvì ina dissertaziun en Litteratura a l’Universitad da Turitg. Ses interess sa concentreschan sin l’ediziun e l’istorgia dal cudesch, sin la litteratura d’ozendi, sin gender studies e sin la translaziun. Sco operatura culturala e manadra artistica da la Casa della Letteratura, è ella commembra dals comités d’organisaziun dal festival Chiassoletteraria, da las sentupadas davart scrittira e translaziun Rencontres de Bienne e dal festival aller-retour (Fundaziun CH).
Ella è co-fundatura da la plattafurma per la dramaturgia svizra en lingua taliana Luminanza (2020) e da CH NETZWERK (2023), in’associaziun dals festivals litterars svizzers.
a las 11:30, Casa Torre(DE/IT)

Sarah Elena Müller sa mova tranter litteratura, musica, perscrutaziun e performanza. Ella emprova, chatta e transfurma l’experientscha en diversas furmas narrativas. Ses roman da debut Bild ohne Mädchen (2023) ha survegnì plirs premis, è vegnì nominà per il Schweizer Buchpreis ed il Rauriser Buchpreis ed è translatà en franzos e serbocroat. Durant diesch onns ha ella dà concerts cun il combo da spoken pop Cruise Ship Misery ed ha dà ora dus albums. Da preschent lavura ella cun l’illustratur Luca Schenardi per in roman grafic e scriva il libret “Renn Fötus” per la cumpagnia d’opera independenta Merce & John. Dapi 2024 lavura ella en il team da la gruppa da perscrutaziun dal FNS SNF Autofiktion & Bewusstsein. Sarah Elena Müller è creschida si ad Amden, lavura dapertut, nua ch’ins lascha lavurar ella, e viva a Bümpliz. Ses davos roman, Unwucht, è cumparì l’avust 2026 tar Limmat Verlag.

Ruth Gantert è translatura dal franzos, dal talian e dal rumantsch. Tranter sias davosas translaziuns chattain nus «wo das gewitter singt» d’Alexandre Lecoultre (Der gesunde Menschen­versand), «Tombola» da Jérémie Gindre (cun Steven Wyss, die brotsuppe), «Nebel­flüchtige» da Flurina Badel (Rotpunktverlag) e «Dem Tag gehören» dad Emma Doude van Troostwijk (die brotsuppe). Enfin avust 2025 è ella stada coordinatura dal project «Viceversa» e responsabla da l’ediziun tudestga da la revista e da la website trilingua viceversa­letteratura.ch. Redactura e mediatura culturala, ella è secretaria generala da la Fondazione Casa Atelier di Bedigliora.

a las 14:30, Casa Torre (FR/IT)
Mélanie Chappuis è in’autura da romans, dramaturga, schurnalista, columnista e scoladra svizra, naschida a Bonn ed expatriada durant l’uffanza en America latina, Africa dal Vest e Stadis Unids. Ella ha publitgà enfin ussa var quindesch ovras: otg romans, tranter quels La Pythie (éditions Okama) e Suzanne, désespérément (éditions BSN Press), trais ovras da teater, tranter quellas L’Autre ed Après la vague (éditions BSN Press). Sco collavuratura da RTS ha ella producì, realisà ed animà l’emissiun litterara Mon Truc en Plumes, las dumengias da fanadur ed d’avust da 2023.
Suenter avair absolvì il gimnasi a Como ha Sara Catella studegià Litteratura e filosofia a l’Università Statale da Milan. Ella ha in diplom da l’Institut Litterar Svizzer da Bienna, in Master en translaziun da la Berner Fachhochschule, ed in CAS en Gender studies da l’Universitad da Losanna. Ella metta ensemen la producziun litterara e l’engaschi per il dialog cultural. Ella moderescha discussiuns ed organisecha eveniments da litteratura e translaziun, contribuescha a la vita culturala cun ina preferenza per la lavur collectiva. Per las Edizioni Casagrande ha ella translatà, ensemen cun Gregory Catella, l’essay Passare a ogni costo, da Georges Didi-Huberman (2019). Il 2022 ha ella publitgà ses emprim roman, Le malorose. Confidenze di una levatrice, puspè tar Casagrande. Il 2023 la translaziun collectiva dad Un incontro a Pechino, da Jean François Billeter. Il 2024 ha la chasa editura da Losanna ASKIP publitgà Histoire un peu gourmande, in cudesch per uffants scrit da Sara Catella ed illustrà da Cécile Koepfli. Da 2026 è Perché non esiste più la panna montata che mangiavo da bambina (Edizioni Casagrande).
a las 16:15, Casa Torre

Giusy Fanaro ballarina contemporana, scolasta da saut e coreografa taliana, viva a Kriens. Ella è scolada a la Scuola del Balletto da Roma ed a l’AED Livorno ed ha absolvì il Bachelor en Saut Contemporan a la ZHdK il 2022.
Il 2021/22 è ella en in stage al Stadttheater Bremerhaven. Il 2022 participescha ella a la producziun “Confessio” cun Leeman Physical Dance Theater ed il 2023 è ella guest dancer a l’Opernhaus da Turitg per l’opera “La Rondine”. Da 2023 a 2025 è ella commembra da la cumpagnia Snorkel Rabbit. Il 2025 è ella vegnida elegida per Tankstelle Bühne, en collavuraziun cun Südpol (Lucerna) cun il solo “Soon Enough” ed il november 2025 è ella stada en residenza a Poschiavo cun riverbero, cun il solo “Mamma Sina”.
Il 2026 è ella ensemen cun la PITT Dance Company per la producziun “I am, Wir Sind”. Sper sia lavur performativa instruescha ella saut e sviluppa enavant sia perscrutaziun artistica.

Durant il festival

Massimiliano Zampetti è actur, sincronisatur, speaker e reschissur. El ha creà pli che trenta spectaculs. El ha collavurà cun bleras instituziuns, tranter quellas: Teatro d’Emergenza, LAC Lugano, Teatro Sociale di Bellinzona, RSI radio e televisione. Cun Radix Svizzera italiana sviluppescha el spectaculs interactivs en las scolas per prevegnir las dependenzas. Dacurt ha el creà l’associaziun Ex/Novo per facilitar la collavuraziun tranter las diversas instituziuns artisticas en il Tessin.

Lecturas da Gerold Ehrsam en la plazza da vischnanca

Daventa promotur da Lettere dalla Svizzera alla Valposchiavo!


Lettere dalla Svizzera alla Valposchiavo braucht Unterstützung! Ensemble, nous pouvons renforcer le festival und mehrsprachige Literatur ermöglichen.

Questo festival offre un contributo unico alla Svizzera multilingue e oltre i confini nazionali.

Poschiavo offre une tribune à la littérature de haut niveau, met l’accent sur la traduction, propose des activités de médiation littéraire pour les enfants, lässt Raum für Experimente, bietet Stipendien für den kreativen Rückzug ed è in lieu d’amicizias.

Sustegnai il festival da litteratura il pli privà da la Svizra!

 

Commember: 30 CHF
Ami: 100 CHF​
Benefactur: da 500 CHF

Banca Chantunala Grischuna
Conto 10 408.453.700
IBAN CH61 0077 4010 4084 5370 0

Conto en num da: Lettere dalla Svizzera alla Valposchiavo
Via da Mez 2, 7742 Poschiavo

 

Ogni contributo fa la differenza!