Tgi essan nus
Begoña Feijoo Fariña
Planisadra dal project e directura artistica
Autura ed operatura culturala
Naschida en Spagna dal 1977, ella viva en Svizra dapi 33 onns. Suenter in diplom en Scienzas Biologicas a l’universitad da l’Insubria ha ella lavurà plirs onns en l’entomologia. Dapi 2015 s’occupa ella da teater e litteratura a temp cumplain, cun organisar eveniments e crear atgnas ovras. Ella ha publitgà trais romans: Abigail Dupont (Demian Edizioni, 2016), Maraya (Edizioni AUGH!, 2017) e Per una fetta di mela secca (Gabriele Capelli editore, 2020). Per il project da quest davos roman ha ella survegnì il stipendi litterar da Pro Helvetia e la contribuziun gronds projects dal chantun Grischun dal 2018. Ella è cofundatura da la cumpagnia teatrala inauDita, directura artistica ed organisatura dal festval da teater contemporan I MONOLOGANTI.
Kaspar Howald
President
Kaspar Howald, naschì a Cuira e creschì si a Trimmis, ha studegià filologia classica e filosofia a l’Universitad da Turitg. Suenter la dissertaziun è el ì a star a Roma, nua ch’el ha lavurà tar l’Institut Svizzer da Roma, in’instituziun culturala e scientifica. Durant in onn ha el vivì en Egipta (Cairo ed Alexandria) ed ha lavurà sin incumbensa da Pro Helvetia. El è lura turnà a Roma ed è stà per trais onns directur dals programs culturals dal Goethe-Institut, il mediatur da la cultura tudestga a l’ester. Dapi 2014 è el directur da Valposchiavo Turismo ed è responsabel, tranter auter, da l’iniziativa 100% Valposchiavo, che ha survegnì plirs premis. Dapi matg da 2024 è el schef dal project da Cultura dal Grischun.
Fabiano Alborghetti
Comité da programmaziun
Fabiano Alborghetti (1970) è poet e promotur cultural. El è commember da las commissiuns dals festivals Babel e Chiassoletteraria; editor per la retscha da poesia per Gabriele Capelli Editore e co-editor da la retscha da poesia svizra per RIL Editores (Chile, Spagna). El è president da la Casa della Letteratura per la Svizzera italiana e represchenta la lingua taliana e la Svizra en il mund per incumbensas uffizialas. Insaquantas translaziuns da sias ovras èn cumparidas sco cudeschs, en revistas u antologias en dapli che 10 linguas. El ha publitgà 6 colleziuns, tranter ellas Maiser (Premi Svizzer da Litteratura 2018).
Walter Rosselli
Comité da programmaziun
Traductions
Walter Rosselli è naschì dal 1965. El è autur e translatur. Ses ultim cudesch ha num Les saisons du Mélèze (Tarabuste, 2022). El collavurescha regularmain cun la revista emnila Agricoltore Ticinese, cun Viceversa Litteratura e cun Radiotelevisiun Svizra Rumantscha. El ha studegià litteratura en questa vita e scienza natirala en ina vita anteriura.
Ruth Gantert
Comité da programmaziun
Ruth Gantert è mediatura culturala, redactura e translatura. Ella è directura artistica dal Service de Presse Suisse, directura da la redacziun da la revista litterara annuala svizra Viceversa e da la plattafurma Internet viceversaliteratur.ch e respunsabla da sia ediziun tudestga. Ella è er directura da la fundaziun culturala Fondazione Casa Atelier Bedigliora. Tranter sias translaziuns sa chattan ils emprims 6 toms dal Ungewisser Manifest da Frédéric Pajak (edition clandestin) ed ils raquints dad Anna Felder (Circolare, Limmat Verlag).
Giovanni Ruatti
Cussegliader per l’organisaziun
Directur Fondazione Musei Valposchiavo
Naschì a Cles dal 1981, el è diplomà en Filologia moderna e critica litterara a l’Universitad da Trent cun lavurs deditgadas a l’ovra da l’autur Antonio Moresco ed a la producziun narrativa dal poet Valerio Magrelli. Ultra da pliras contribuziuns cumparidas en revistas regiunalas e naziunalas talianas è el autur dals texts da Guida alle piante officinali della Valposchiavo (Pgi, 2012) e coautur dal guid istoric-artistic per uffants Leo e Lila alla scoperta del Grigionitaliano (SSAS-Pgi, 2018). El ha lavurà en il schurnalissem en Valposchiavo ed ha collavurà a la redacziun da «ilbernina.ch» e lura a la redacziun da «II Grigione Italiano». Dapi settember da 2016 è el operatur cultural da Pro Grigioni Italiano en Valposchiavo.
Anna Capelli
Scolasta
Mussadra cun orientaziun specifica en pedagogia teatrala, diplomada a la Scola auta da pedagogia dal Grischun dal 2008. Passiunada d’arts figurativs e plastics, ella ha frequentà in seminari d’illustraziun a la scola internaziunala d’illustraziun da Sarmede dal 2009. Ella dat scola dad arts textils e tecnics en las scolas primaras da la vischnanca da Puschlav. Dapi 2017 collavurescha ella cun la cumpagnia inauDita cun s’occupar da las scenografias e dals costums. Ella absolva ussa la scolaziun CAS Design und Technik tar la Fachhochschule Nordwest Schweiz.
Luca Dorsa
Translatur
Naschì a Brusio. El ha vivì a Cuira, Friburg, Bruxelles e Genevra, nua ch’el ha survegnì il master cun ina lavur titulada Autotraduzione e (non)identità nella scrittura bilingue di Pierre Lepori. El viva ussa a Lugano e lavura sco translatur.
Tiziano Iseppi
Collavuratur per l’organisaziun
Contabilitad
Naschì a Brusio. Emploià commerzial, suenter insaquantas experienzas da lavur or da la Valposchiavo è el emploià da la vischnanca da Brusio dapi 2009: l’emprim sco funcziunari tar l’uffizi fiscal communal, oz tar l’uffizi cassa e contabilitad.
Andrea Marchelli
Chanzlist
Naschì a Ovada, inschigner da maschinas diplomà a Genua dal 2003. El cumplettescha sia passiun per la tecnologia applitgada, che occupa ses dis da lavur, cun la passiun per la litteratura ed il teater, che occupan ina gronda part da ses temp liber.
El viva en Toscana, ma el mantegna ragischs fermas en il Piemunt, sia regiun da naschientscha, ed en Valposchiavo, ina regiun ch’è entrada en ses cor e ch’el frequenta dapi insaquants onns.