Naschì dal 1955 a Suresnes, Ile-de-France, Frédéric Pajak è in autur, dissegnatur, editur e cineast franco-svizzer. Autur da passa trenta ovras, el vegn enconuschent tras L’Immense Solitude, cun inventar ina furma originala, nua che text e dissegn sa confruntan e s’unischan. Autur dals 9 toms dal Manifeste incertain, el ha survegnì il Prix Médicis de l’essai, il Prix Goncourt de la biographie ed il Gran premi svizzer da Litteratura. Ses cudeschs èn vegnids translatads en var diesch pajais. El expona regularmain ses dissegns en Frantscha ed a l’ester. El ha realisà trais films documentars. Sco cumissari d’exposiziun, ha el organisà pliras exposiziuns en Frantscha ed en Svizra. Dapi ventg onns maina el ils Cahiers dessinés a Paris, ina chasa editura per il dissegn en tut sias furmas. El ha publitgà pli che tschient tituls, trais dad els deditgads a Tomi Ungerer. El è in dals creaturs dal Festival du dessin d’Arles, la primavaira dal 2023.