Dumengia, als 8 d’october
a las 10:00, Casa Torre
Laura Di Corcia en dialog cun Andrea Fazioli
(IT)
Laura Di Corcia è naschida a Mendrisio dal 1982. Ella lavura sco scolasta e schurnalista da cultura e collavurescha cun pliras gasettas ed emissiuns da radio sco criticra litterara e teatrala. Ses debut è stà dal 2015 cun la rimnada poetica Epica dello spreco, suandada da In tutte le direzioni (LietoColle, 2018) e Diorama (Tlon, 2021), cun la quala ha ella survegnì il Premi Terra Nova dal 2022. Ella è commembra dal Comité da la Sentupada Litterara a Soloturn.
Andrea Fazioli, naschì a Bellinzona dal 1978, è autur da plirs romans. Tranter sias davosas ovras, Gli svizzeri muoiono felici (Guanda 2018), la rimnada d’essais e raquints Succede sempre qualcosa (Casagrande 2018), Le vacanze di Studer (Casagrande 2021, partind da fragments da Friedrich Glauser), A Zurigo, sulla luna (Capelli 2021, cun Yari Bernasconi), Le strade oscure (Guanda 2022). Sias ovras èn vegnidas translatadas en pliras linguas. El ha er scrit prosas poeticas, texts per il teater e per il kino. El è diplomà en lingua e litteratura taliana e franzosa a l’Universitad da Turitg.