Dumengia, als 8 d’october
a las 14:30, Casa Torre
Matthias Zschokke / Eveniment deditgà a Viceversa Litteratura
(DE/RM/IT)
Viceversa Litteratura, cumparida per l’emprima giada il matg da 2007, è ina revista annuala deditgada a la litteratura svizra. Ella vegn publitgada per talian (Bellinzona, Edizioni Casagrande), franzos (Genève, Editions Zoé) e tudestg (Zürich, Rotpunktverlag), en trais volums differents e nascha da l’experientscha da la revista romanda «Feuxcroisés» cun l’intenziun da promover ils barats litterars sur las barrieras linguisticas.
Matthias Zschokke, Premi federal da litteratura 2012, è naschì dal 1954 a Berna ed ha studegià a l’Academia da teater a Turitg. L’onn 1980 è el emigrà a Berlin nua ch’el ha publitgà pauc pli tard ses emprim roman Max ch’è vegnì premià cun il Premi Robert Walser. Sper sia activitad sco autur fa Zschokke er films e scriva tocs da teater. Per sias ovras ha el survegnì plirs premis. Ses davos roman è titulà Der graue Peter (Rotpunktverlag 2023). Viceversa Litteratura ha deditgà in purtret a Matthias Zschokke en il numer 17, cumparì dal 2023.