Sonda, als 7 d’october
a las 14:30, Casa Torre
Peter Stamm en dialog cun Ruth Gantert
(DE/IT)
Peter Stamm, (naschì dal 1963) è creschì si a Weinfelden en Turgovia. Suenter in emprendissadi commerzial ha el absolvì in pèr semesters d’anglistica, psicologia e psicopatologia a l’Universitad da Turitg. Dapi 1990 è el autur e schurnalist independent. Peter Stamm ha scrit reportaschas e satiras, tranter auter per la Neue Zürcher Zeitung, il Nebelspalter ed il «Magazin» dal Tages-Anzeiger. Lungs segiurns a l’ester, tranter auter a Paris, New York e Berlin. El viva cun sia famiglia a Winterthur. Peter Stamm ha scrit plirs gieus auditivs e tocs teater. Dal 1998 è cumparì ses emprim roman, Agnes. Dapi lura èn cumparids tschintg rimnadas da novellas, trais cudeschs per uffants ed otg auters romans, il davos dal 2023, In einer dunkelblauen Stunde. Las ovras da Peter Stamm èn vegnidas translatadas en 40 linguas.
Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb www.viceversaletteratura.ch.