Sonda, als 7 d’october
a las 16:00, Casa Torre
Angelika Overath en dialog cun Flurina Badel
(DE/RM/IT)
Angelika Overath è naschida dal 1957 a Karlsruhe. Ella lavura sco reportra, criticra litterara e scolasta ed ha scrit ils romans Nahe Tage, Flughafenfische, Sie dreht sich um ed Ein Winter in Istanbul. Flughafenfische è dal rest vegnì nominà per il Deutscher ed il Schweizer Buchpreis. Per sias reportaschas litteraras è ella vegnida undrada cun il premi Egon-Erwin-Kisch. Ella viva a Sent.
Flurina Badel (*1983 a Lavin) es artista, autura ed intermediatura da cultura, viva a Guarda. Davo üna prüma scolaziun da schurnalissem ed ün stüdi da communicaziun e lavur publica, ha ella lavurà tanter oter sco moderatura e cineasta. Dal 2015 ha Flurina Badel absolt il Master of Fine Arts a l’Institut d’Art da la HGK FHNW a Basilea e dal 2017/2018 es ella statta studenta ospitanta a l’Institut per art litterara da l’Università d’art applichada a Vienna. Daspö 2014 lavura ella i’l duo Badel/Sarbach chi’d es gnü undrà tanter oter cul Premi Manor 2019. Daspö 2016 es Flurina Badel redactura respunsabla per l’emischiun «Impuls» da Radiotelevisiun Svizra Rumantscha ed ella chüra occurrenzas culturalas sco per exaimpel il festival biennal LitteraturA Nairs, ch’ella curatescha insembel cun la romanista Bettina Vital. Dal 2019 es cumparü seis prüm tom da poesia «tinnitus tropic» (editionmevinapuorger, Turich). Quel es gnü premià cul Premi Svizzer da Litteratura 2020. Flurina Badel ha survgni tanter oter eir il premi OpenNet dals Dis da Litteratura a Soloturn 2018, ün stipendi Double dal pertschient cultural da la Migros ed es gnüda undrada culs duos premis dal Premi Term Bel 2022.