Tgi essan nus
Begoña Feijoo Fariña
begona.feijoofarina@lettereallavalposchiavo.ch
Planisadra dal project e directura artistica
Autura ed operatura culturala
Naschida en Spagna dal 1977, ella viva en Svizra dapi 33 onns. Suenter in diplom en Scienzas Biologicas a l’universitad da l’Insubria ha ella lavurà plirs onns en l’entomologia. Dapi 2015 s’occupa ella da teater e litteratura a temp cumplain, cun organisar eveniments e crear atgnas ovras. Ella ha publitgà quatter romans: Abigail Dupont (Demian Edizioni, 2016), Maraya (Edizioni AUGH!, 2017), Per una fetta di mela secca (Gabriele Capelli editore, 2020) e Come onde di passaggio (Gabriele Capelli editore, 2025). Ella è cofundatura da la cumpagnia teatrala inauDita, directura artistica ed organisatura dal festval da teater contemporan I MONOLOGANTI.
Kaspar Howald
kaspar.howald@lettereallavalposchiavo.ch
President
Kaspar Howald, naschì a Cuira e creschì si a Trimmis, ha studegià filologia classica e filosofia a l’Universitad da Turitg. Suenter la dissertaziun è el ì a star a Roma, nua ch’el ha lavurà tar l’Institut Svizzer da Roma, in’instituziun culturala e scientifica. Durant in onn ha el vivì en Egipta (Cairo ed Alexandria) ed ha lavurà sin incumbensa da Pro Helvetia. El è lura turnà a Roma ed è stà per trais onns directur dals programs culturals dal Goethe-Institut, il mediatur da la cultura tudestga a l’ester. Dapi 2014 è el directur da Valposchiavo Turismo ed è responsabel, tranter auter, da l’iniziativa 100% Valposchiavo, che ha survegnì plirs premis. Dapi matg da 2024 è el schef dal project da Cultura dal Grischun.
Fabiano Alborghetti
Comité da programmaziun
Fabiano Alborghetti (1970) ha scrit davart critica litterara, fundà revistas, creà programs da radio, projects en praschuns, scolas ed ospitals ed è promotur cultural. El è commember da las cumissiuns dals festivals Chiassoletteraria e Lettere dalla Svizzera alla Valposchiavo ed il 2019 ha el co-fundà la Casa della Letteratura per la Svizzera italiana da la quala è el stà president e directur artistic enfin il 2025. El è responsabel da Sofalesungen / Letture sul Sofà per la Svizra taliana. El represchenta la lingua taliana e la Svizra en il mund sin incumbensas uffizialas. Translaziuns da sias poesias èn cumparidas en volumens, revistas u antologias en pli che diesch linguas. El ha publitgà sis ovras, tranter las qualas il roman en vers Maiser (Premi Svizzer da Litteratura 2018), la racolta da poesias Corpuscoli di Krause (2022; Candidat al Premio Strega 2023) ed il roman en vers Il movimento elementare (Gabriele Capelli Editore, 2026).
Ruth Gantert
Comité da programmaziun
Ruth Gantert è translatura dal franzos, dal talian e dal rumantsch. Tranter sias davosas translaziuns chattain nus «Peter und so weiter», d’Alexandre Lecoultre (Der gesunde Menschenversand), «Aus gleichem Holz», da Marion Fayolle (Atlantis), «Gloria. Mohammed», d’Isabelle Flükiger (Rotpunktverlag) e l’antologia «Amur» tgirada dad Annetta Ganzoni e Bettina Vital (Chasa Editura Rumantscha). Enfin avust 2025 è ella stada coordinatura dal project «Viceversa» e responsabla da l’ediziun tudestga da la revista e da la website trilingua viceversaletteratura.ch. Redactura e mediatura culturala, ella è secretaria generala da la Fondazione Casa Atelier di Bedigliora.
Anna Capelli
Scolasta
Mussadra cun orientaziun specifica en pedagogia teatrala, diplomada a la Scola auta da pedagogia dal Grischun dal 2008. Passiunada d’arts figurativs e plastics, ella ha frequentà in seminari d’illustraziun a la scola internaziunala d’illustraziun da Sarmede dal 2009. Ella dat scola dad arts textils e tecnics en las scolas primaras da la vischnanca da Puschlav. Dapi 2017 collavurescha ella cun la cumpagnia inauDita cun s’occupar da las scenografias e dals costums. Ella absolva ussa la scolaziun CAS Design und Technik tar la Fachhochschule Nordwest Schweiz.
Luca Dorsa
Translatur
Naschì a Brusio. Emploià commerzial.
Tiziano Iseppi
Collavuratur per l’organisaziun
Contabilitad
Naschì a Brusio. Emploià commerzial, suenter insaquantas experienzas da lavur or da la Valposchiavo è el emploià da la vischnanca da Brusio dapi 2009: l’emprim sco funcziunari tar l’uffizi fiscal communal, oz tar l’uffizi cassa e contabilitad.
Andrea Marchelli
Chanzlist
Naschì a Ovada, inschigner da maschinas diplomà a Genua dal 2003. El cumplettescha sia passiun per la tecnologia applitgada, che occupa ses dis da lavur, cun la passiun per la litteratura ed il teater, che occupan ina gronda part da ses temp liber.