Sonda, als 7 d’october
a las 20:30, Casa Torre
Zora Del Buono en dialog cun Ruth Gantert
(DE/IT)
Zora del Buono è naschida a Turitg dal 1962. Ella ha studegià architectura al Politecnic federal, è stada ina da las fundaturas da la revista Mare. Tranter sias ovras chattan ins la novella Gotthard (Minca, C.H.Beck, 2015.) ils romans Hinter Büschen, an eine Hauswand gelehnt (Minca, C.H. Beck, 2016.) e Die Marschallin (Minca, C. H. Beck, 2020), publitgà per talian da Keller dal 2022 (translaziun da Domenico Mugnolo).
Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb www.viceversaletteratura.ch.