Sonda, als 7 d’october
a las 10:00, Casa Torre
Paolo Di Stefano en dialog cun Massimo Gezzi
(IT)
Paolo Di Stefano, naschì ad Avola (Siracusa) e creschì si a Lugano, ha sa diplomà en filologia romana a Pavia cun Cesare Segre. El ha lavurà sco schurnalist tar il Corriere del Ticino e la Repubblica. El è stà editur a Turin per Einaudi ed ha dà scola da cultura dal schurnalissem a l’Università Statale da Milaun, nua ch’el viva dapi 1992. El è stà respunsabel da las paginas da cultura dal Corriere della Sera ed è ussa correspundent special da quella gasetta. El è autur da texts da critica e d’essais litterars. Sco poet ha el gì ses debut dal 1990 (Minuti contati, Scheiwiller), lura ha el sa deditgà a la narraziun cun romans, raquints per uffants, reportaschas ed intervistas. Cun ses cudeschs ha el survegnì plirs premis litterars, tranter auters il Viareggio, il Campiello, il Bagutta e dal 2021 il Premi Montale Fuori di Casa. Ses davos roman è Noi (Bompiani, 2020, Premi Pisa e Premi Alassio un Autore per l’Europa), classà da La lettura tranter ils diesch megliers cudeschs da l’onn.
Massimo Gezzi (1976) ha publitgà ils cudeschs da poesia Il mare a destra (Edizioni Atelier, 2004), L’attimo dopo (lucasossella editore, 2009, Premi Metauro), Il numero dei vivi (Donzelli Editore, 2015, Premi Carducci, Premi Tirinnanzi e Premi svizzer da Litteratura), Uno di nessuno. Storia di Giovanni Antonelli, poeta (Edizioni Casagrande, 2016), Sempre mondo (Marcos y Marcos, 2022) ed il cudesch da raquints Le stelle vicine (Bollati Boringhieri, 2021, finalist dal Premi Mastercard Letteratura Esordienti). El ha tgirà l’ediziun commentada dal Diario del ’71 e del ’72 di Eugenio Montale (Mondadori, 2010), l’Oscar Poesie 1975-2012 di Franco Buffoni (Mondadori, 2012), las Poesie scelte di Luigi Di Ruscio (Marcos y Marcos, 2019) e La città lontana. Poesie 1993-2009 di Adelelmo Ruggieri (Marcos y Marcos, 2021). En Tra le pagine e il mondo (Italic Pequod, 2015) ha el rimnà diesch onns d’intervistas als poets e recensiuns da cudeschs da poesia. Cun Italo Testa coordinescha el il portal litterar «Le parole e le cose 2». El stat a Lugano, nua ch’el dat scola da talian en in gimnasi.