Venderdi, als 6 d’october
a las 20:00, Casa Torre
Avertura dal festival
- Vulcano, performance da Ledwina Costantini, en collavuraziun cun RSI Rete Due
- Salids dal comité e da las autoritads
- Performance musicala da e cun Martina Berther
Vulcano è in ciclus da performanzas ideà dad RSI Rete Due en collavuraziun cun insaquants eveniments artistics svizzers. Per Lettere dalla Svizzera alla Valposchiavo ha Ledwina Costantini creà ina lectura scenica, naschida da l’inscunter tranter l’expressiun la pli intima, atgna da la poesia, e l’extroversiun da l’art teatral.
Ledwina Costantini, furmada tar il Teatro delle Radici da Lugano, nua ch’ella ha collavurà durant otg onns. Ella ha lavurà in onn al Northcott Theater d’Exeter ed al Royal Theater da Plymouth, en Engalterra. Cur ch’ella è turnada en Svizra ha ella lavurà cun il Trickster P e, suenter in temp da studis a l’Academia naziunala da l’Opera da Peking, ha ella fundà, dal 2008, l’associaziun artistic-teatrala Opera retablO, cun la quala ha ella creà pli che ventgatschintg spectaculs e performanzas. Ella ha collavurà a spectaculs ed a performanzas da cumpagnias ed artist*as da la Svizra e da l’ester; ella lavura en Svizra, Italia, Belgia, Germania, Pajais Bass, Danemarc, China, Indonesia, India, America dal Sid, Bosnia–Erzegovina.
Preschentaziun da la performanza
La E-bassista Martina Berther lavura ses instrument cun preparaziuns ed effects per stgaffir cuntradas musicalas imposantas, sfericas e complexas. Cun ses battibugl da suns e tuns va ella musicalmain encunter las poesias da liricras svizras, fa cuntrast u fa piz cun ellas.
Martina Berther, naschida dal 1984, è creschida si a Cuira e viva oz a Turitg. Ella è ina da las E-bassistas e cumponistas las pli talentadas da la scena musicala svizra. Il spectrum da ses suns va dal pop fin la musica experimentala. Cun ses project solo, sias bands Ester Poly ed AUL, cun l’autura Simone Lappert e cun la chantadura Sophie Hunger è ella sin via sin la scena internaziunala. La grischuna è activa a nivel interdisciplinar e scriva musica per films, teater ed installaziuns. Ella è activa er sco pluriinstrumentalista e musicista da session. Dal 2022 ha ella accumpagnà il festival turitgais da musica senza cunfins «Taktlos» ed il medem onn 2022 ha ella survegnì il Premi da renconuschientscha dal chantun Grischun. Dals 2020 ha ella survegnì il Premi svizzer da Musica e dal 2018 il Werkjahr da la Citad da Turitg. Il Master in Pedagogia musicala e Performanza Jazz ha ella absolvì dal 2012 a la Scola Auta da Lucerna (HSLU).