Nov project da pilot:
Lettere en pli dal festival
Trais illustraturas ed illustraturs svizzers – Tito Moccia, Sara Guerra e Francesca Sanna – vegnan ad inscuntrar mintgin·a ina classa da las scolas da Poschiavo, entant che ils auturs Giorgio Genetelli, Vincenzo Todisco e Mattia Bertoldi vegnan a discurrer davart lur lavur en las scolas professiunalas.
Quest program prevesa er trais inscunters publics, en collavuraziun cun la Biblioteca comunale di Brusio, durant il mais da zercladur. Ils inscunters, numnads I martedì letterari a Brusio, cumenza als 6 da zercladur cun Sara Catella, en dialog cun Chiara Balsarini, davart ses roman Le malorose (Casagrande 2022). Ils 13 da zercladur quinta Leopoldo Lonati sia istorgia da poet, grazia a la cumpetenza da Lou Lepori ed ils 20 da zercladur è lura Angelika Overath vidlonder, intervistada per questa occasiun da la directura da Viceversa Litteratura, Ruth Gantert.
Ils mardis litterars da Brusio
En la Val Blenio isolada da l’entschatta dal 20avel tschientaner, vegn la dunna da part Caterina Capra dumandada tar don Antonio, il prer da Corzoneso, che ha pers il diever da la favella pervia d’ina malsogna nunenconuschenta. Davant il prer inert e mit chatta Caterina suenter in pèr dis il curaschi d’al metter sut squitsch cun ils patratgs e las dumandas che la turmentan.
Sara Catella, naschida a Lugano dal 1980, studegia ella Litteratura e filosofia a l’Università Statale da Milan, e fa ella lura midada a Berna, nua ch’ella viva anc oz. Diplomada dal Institut litterar svizzer da Bienna. Le malorose, ch’è stà sia lavur da diplom, daventa ses emprim roman.
Chiara Balsarini nascha a Brusio dal 1985. Ella è obstetrica dapi 2009 ed ha cumanzà a far teater cur ch’ella era in uffant. Dapi 2010 ha ella absolvì curs da teater per dus onns a la scola MAT (Movimento Artistico Ticinese) da Lugano. Ella ha participà a plirs seminars da profundaziun teatrala e lavuratoris en Svizra, Italia e Portugal. Dal 2015 funda ella a Brusio, ensemen cun Begoña Feijoo Fariña, la cumpagnia inauDita. Per tut sia lavur ha ella survegnì dal 2021 il premi da promoziun da l’Uffizi da cultura dal Grischun.
13 da zercladur 2023, a las 20:00
Biblioteca da Brusio
Davart la poetica da Leopoldo Lonati, en dialog cun Lou Lepori
Lou Lepori, enconuschent er sco Pierre Lepori, è naschì a Lugano dal 1968. El ha promovì en istorgia dal teater a l’Universitad da Berna, nua ch’el è stà directur da la redacziun taliana dal Dizionario teatrale svizzero (Chronos Verlag, 2005). Dapi passa ventg onns è el schurnalist cultural per RSI (Rete Due) e porscha mentoring da scrittira creativa tar la Scola dals Arts da Berna. Autur da romans e poesia, el è er translatur. Tranter sias lavurs da translaziun datti, da Leopoldo Lonati, Le parole che so / Les mots que je sais (transalaziun da Lou Lepori e Mathilde Vischer, Éditions d’en bas, 2014).
Leopoldo Lonati è naschì a Tradate dal 1960. El ha publitgà las rimnadas da poesia Griselle (1998), Le parole che so (2005, menziun speziala al Premi Schiller dal 2006), omaduas per las Edizioni Leggere, la plaquette Res Rem Rien (Hic et Nunc 1996, cun diesch gravuras da Samuele Gabai) ed il pli nov Discorso senza un alito di vento (Casagrande, 2022).
20 da zercladur 2023, a las 20:00
Biblioteca da Brusio
Preschentaziun da
Un inverno a Istanbul
(Armando Dadò editore, 2022,
translaziun da Laura Bortot)
Angelika Overath raquinta dad Istanbul, citad tranter temp medieval e modernitad, citad da la bellezza e da las contradicziuns, nua che in’amur inaspettada sa daventar pussaivla.
Ruth Gantert è mediatura culturala, redactura e tranlsatura. Ella è directura artistica dal Service de Presse Suisse, directura da la redacziun da la revista litterara annuala svizra Viceversa, da la plattafurma Internet viceversaletteratura.ch e redactura respunsabla da sia ediziun tudestga Viceversa Literatur. Ella è directura da la fundaziun culturala Fondazione Casa Atelier Bedigliora. Tranter sias bleras translaziuns sa chattan ils emprims sis toms dal Ungewisser Manifest (Manifeste incertain) da Frédéric Pajak (edition clandestin) ed ils raquints d’Anna Felder (Circolare, Limmat Verlag).
Angelika Overath nascha a Karlsruhe il fanadur da 1957. Ella lavura sco schurnalista, critica litterara e scolasta e tranter sias bleras ovras publitgescha ella ils romans Nahe Tage, Flughafenfische e Sie dreht sich um. Flughafenfische è vegnì nominà per il Deutscher Buchpreis e per il Schweizer Buchpreis. Per sias reportaschas litteraras ha ella survegnì l’Egon Erwin Kisch Preis. Ella viva a Sent.
Inscunters en las scolas professiunalas
5 d’avrigl 2023
Giorgio Genetelli
Naschì dal 1960 a Preonzo (TI), el è scrinari, schurnalist, autur e blogger, en pli dad esser in dals fundaturs dal project editorial Arbòk Group. El ha plublitgà, tranter auter, ils romans Il becaària (emprima ediziun Anaedizioni, 2010, nova ediziun tar Gabriele Capelli Editore dal 2020), La partita (Ulivo edizioni, 2018) e Merluz Vogn (Gabriele Capelli Editore, 2020). En sia fitg gronda producziun da raquints sa chatta La conta degli ostinati (Gabriele Capelli Editore, 2017), cudesch nominà da la Giuria dal Premi Chiara dal 2018.
6 d’avrigl 2023
Vincenzo Todisco
El viva a Razén. Diplomà en litteratura taliana e franzosa a l’Universitad da Turitg, el è ussa scolast tar la Scola auta da pedagogia dal Grischun a Cuira. Ses debut sco autur è stà dal 1999 cun la rimnada da raquints Il culto di Gutenberg (Dadò, 1999). El ha lura publitgà ils romans Quasi un western (Casagrande, 2003), Il suonatore di bandoneón (Casagrande, 2006), Rocco e Marittimo (Casagrande, 2011), Il bambino lucertola. Dal 2005 ha el survegnì il Premi grischun da litteratura.
11 da matg 2023
Mattia Bertoldi
Mattia Bertoldi è autur da romans, artitgels da schurnalissem, raquints e serias da televisiun. Naschì dal 1986 a Lugano, el è diplomà en litteratura e linguistica talianas ed englaisas a Turitg. Tranter sias lavurs las pli actualas datti ils romans Le cose belle che vorrai ricordare, Come tanti piccoli ricordi ed Il coraggio di Lilly (TEA/Tre60, 2017, 2019 e 2022, respectivamain).
Inscunters en las scolas secundaras
28 d’avrigl 2023
Sara Guerra
Sara Guerra Rusconi, naschida a Sorengo (Svizra) dal 1975; suenter la matura linguistica ha ella sa diplomada en illustraziun a l’Institut Europeic da Design a Milan, cun ina spezialisaziun en l’illustraziun per uffants. Ella è activa en il rom da l’illustraziun sco independenta e collavurescha cun gasettas, la televisiun Svizra, chasas edituras ed agenturas da publicitad.
23 da matg 2023
Tito Moccia
Tito Moccia nascha dal 1976 a Locarno. La mar al fascinescha dapi sia uffanza, el ha lura decis da la guardar pli damanaivel ed el ha absolvì in master en biologia a l’Universitad da Neuchâtel dal 2001. Pervia da ses basegn da creativitad fa el midada a Genevra, nua ch’el lavura, tranter atelier, in pau gravura e blera sculptura, al Museum d’Art Modern e Contemporan (MAMCO) e mintgatant er al Museum dal Léman a Nyon. Dal 2021 publitgescha el ASTOR, ses emprim cudesch illustrà.
24 da matg 2023
Francesca Sanna
Francesca Sanna è illustratura ed autura da cudeschs illustrads. Oriunda da la Sardegna, viva e dissegna ella ussa en Svizra. Diplomada en Architectura a l’Universitad da Cagliari, è ella l’emprim ida en Germania e lura en Svizra, nua ch’ella ha studegià design ed illustraziun a Basilea e Lucerna. Ella ha survegnì in Master en Design cun specialisaziun en Illustraziun a l’Universitad d’Arts Applitgads da Lucerna, ed ha studegià in temp a New York, en ina residenza da stad tar la School of Visual Arts. Ses cudeschs èn vegnids translatads en pli che 15 linguas. Ella viva ussa a Turitg, nua ch’ella lavura tar Die Blaue Ampel.