Sonda als 4 d’october
A las 16:00, Casa Torre
Viola Cadruvi, intervistada da Flurina Badel.
Scriver litteratura en Rumantsch Grischun.
(RM / IT)
Viola Cadruvi è autura, scolasta, scienziada litterara, columnista e mamma da duas figlias. Ella scriva per rumantsch e per tudestg. Ses emprim cudesch, La feglia dal fraissen, ina rimnada dad istorgias curtas è cumparida 2020 tar la Chasa Editura Rumantscha. In onn pli tard è ses emprim roman Panuglias da fim cumparì tar Ediziun Apart. Per sias istorgias curtas è ella vegnida premiada cun il Premi Term Bel ed il premi dal public als Dis da Litteratura. Il 2023 ha ella promovì a l’Universitad da Turitg cun ina dissertaziun sur da la feminilitad en la litteratura contemporana rumantscha. En il mument lavura ella sco scenarista per films rumantschs per giuvenils ed uffants tar Studio Toc.
Flurina Badel es autura ed artista. Davo üna prüma scolaziun da schurnalissem ed ün stüdi da communicaziun e lavur publica, ha ella lavurà tanter oter sco cineasta e moderatura da televisiun. Flurina Badel ha absolt il Master of Fine Arts a l’Institut d’Art da la HGK FHNW a Basilea ed ha stübgià a l’Institut per art litterara da l’Università d’art applichada a Vienna. Ella scriva e perfuorma texts litterars in diversas linguas. L’on 2019 es cumparü seis prüm tom da poesia «tinnitus tropic» (editionmevinapuorger, Turich) chi’d es gnü premià cul Premi Svizzer da Litteratura 2020. D’utuon 2024 cumpara seis prüm roman «Tschiera» pro la Chasa Editura Rumantscha.