Sonda als 4 d’october
A las 10:00, Casa Torre
Noè Albergati, preschentà ed intervistà da Fabiano Alborghetti.
Quintar en poesia. Ils vers sco linguatg narrativ.
Cun la collavuraziun da Casa della letteratura per la Svizzera Italiana.
(IT)
Noè Albergati, naschì en l’Aut Malcantone (1990) ha promovì a las Universitads da Pisa e da Friburg cun ina perscrutaziun davart la recepziun da la magia en la litteratura d’Este dapi Boiardo enfin Ariosto. El lavura sco bibliotecar e coordinatur da las publicaziuns e dals eveniments en la Scola auta federala per la furmaziun professiunala. El collavurescha er cun il DFA e cun la Scola auta da pedagogia dal Grischun per la creaziun da material didactic. El è commember dal comité dals Bielergespräche. El ha publitgà Dal tramonto all’alba (Alla chiara fonte, 2019) e Cemento e vento (Gabriele Capelli Editore, 2025), ses emprim roman en vers.
Fabiano Alborghetti è naschì a Milan il 1970 e viva en il Tessin. El è poet e promotur cultural. El è commember da las cumissiuns dals festivals Babel e Chiassoletteraria; editor da la retscha da poesia per Gabriele Capelli Editore e co-editor da la retscha da poesia svizra per RIL Editores (Chile, Spagna). Insaquantas translaziuns da sias poesias èn cumparidas en cudeschs, revistas u antologias en pli da 10 linguas. Ses roman en vers Maiser (Marcos y Marcos, 2017) ha survegnì il Premi Svizzer da Litteratura 2018. Dapi 2024 è el responsabel da Sofalesungen per la Svizra taliana.