Sonda als 5 d’october
11:30, Casa Torre
Lou Lepori preschenta Raluca Antonescu
(FR/IT)
Lou Lepori (Lugano, 1968), queer e na binarə, ha publitgà var trenta cudeschs: translaziuns, romans, racoltas poeticas ed essais (tranter quels ina biografia deditgada a Philippe Rahmy). Elə ha absolvì in Master en litteratura moderna a Siena, lura ina dissertaziun per daventar docter da Theaterwissenschaft a Berna. Elə ha dirigì la redacziun taliana dal Dizionario teatrale svizzero (2005), ha fundà Hétérographe, revue des homolittératures ou pas: (2009-13) ed è schurnalistə culturalə per Radio svizzera (Rete Due). Sco reschissurə ha elə scrit e dirigì ils spectaculs: Sans peau (2016), Klaus Nomi Projekt (2018-20) e Le Voyageur insomniaque (2022-24), consecrà a la figura da Sandro Penna (poet ch’elə ha translatà per franzos). Sia nova publicaziun: Corpi (roman, Effigie, 2024).
Raluca Antonescu è in’autura svizra naschida a Bucarest, en Rumania. Ella absolvì studis en Arts visuals ed Arts decorativs ed ha lavurà in temp en la domena dal video. Ella ha publitgà trais romans tar las ediziuns la Baconnière: L’inondation (2014), Sol (2017), per il qual ha ella survegnì in stipendi da la fundaziun Leenaards, ed Inflorescence (2021), che ha survegnì il Prix Pittard de l’Andelyn, il Prix des lecteurs de la ville de Lausanne ed il Prix littéraire des jeunes européens. Ensemen cun sia lavur da scrittira dat ella scola d’arts figurativs ed intervegna en diversas incumbensas datiers dal scriver (mentorat, scolaziun, moderaziun).