Sonda als 5 d’october
10:00, Casa Torre
Yari Bernasconi preschenta Fabio Pusterla
(IT)
Yari Bernasconi è naschì a Lugano dal 1982 e viva a Hinterkappelen, sper Berna. Suenter il debut cun il poem Lettera da Dejevo (Alla chiara fonte) dal 2009 e la rimnada Non è vero che saremo perdonati (en l’Undicesimo quaderno italiano di poesia contemporanea, Marcos y Marcos, 2012), ha el publitgà pliras plaquettes e dus cudeschs da poesia: Nuovi giorni di polvere (Edizioni Casagrande, 2015, Premi Terra Nova da la Fundaziun Schiller, translatà per franzos dad Anita Rochedy tar las éditions d’en bas ed en tudestg da Julia Dengg tar Limmat Verlag) e La casa vuota (Marcos y Marcos, 2021, Premi svizzer da litteratura). Yari Bernasconi ha er scrit, ensemen cun il scriptur Andrea Fazioli, il reportage litterar A Zurigo, sulla luna. Dodici mesi in Paradeplatz (Gabriele Capelli Editore, 2021, translatà per tudestg da Marina Galli tar Limmat Verlag).
Fabio Pusterla (1957), è ditg stà scolast en las scolas chantunalas tessinaisas ed è ussa professur a l’Universitad da la Svizra Taliana. El ha er dà scola en las Universitads da Genevra e Pavia. El viva tranter la Svizra e l’Italia. El maina la retscha Le Ali per Marcos y Marcos ed è commember dal comité da redacziun dals «Quaderni di Poesia contemporanea» e dal comité scientific da las revistas «Autografo» e «Testo a Fronte». El è er engaschà sco essayist e translatur, cunzunt da Philippe Jaccottet, ed è autur da pliras racoltas poeticas (ses debut è stà il 1985 cun Concessione all’inverno, edì da Casagrande), ch’èn per part vegnidas surprendidas en las antologias Le terre emerse (Einaudi, 2009) e Da qualche parte nello spazio (Le Lettere, 2022). Tranter ses novs titels, Cenere, o terra (Marcos y Marcos, 2018) e Tremalume (ibid., 2022). F. Ferri ha realisà il film documentar davart el, Libellula gentile (2018), che ha lura dà il pitschen volumen cun il medem num edì da C. Poletti per Marcos y Marcos. Sias ovras èn vegnidas translatadas en las linguas europeicas las pli impurtantas; fitg nova è l’antologia Brief hommage to Pluto and others poems, ed. da W. Schutt, Princeton University Press 2023. Tranter la renconuschientschas datti il Premio Montale (1986), trais Premis Schiller (1986, 2000 e 2010), il Premio Prezzolini (1994), il Premio Gottfried Keller (2009), il Gran Premi Svizzer da Litteratura (2013), il Premio Napoli (2013), il Premio Dessì (2009), il Premio Ceppo Pistoia (2011), il Premio Vittorio Bodini (2015), il Premio Gozzano (2022), il N.O.Kaserlyrikerpreis (2023), il Premio Carducci (2023) ed il Premio Montale Fuori di Casa, sezione Europa (2024).