Dumengia als 6 d’october
11:30, Casa Torre
Ruth Gantert preschenta Simone Lappert
(DE/IT)
Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb www.viceversaletteratura.ch.
Simone Lappert (*1985) ha studegià a l’Institut litterar svizzer da Bienna. Ella viva e lavura a Turitg sco autura independenta. Il 2014 è cumparì ses emprim roman Wurfschatten (Metrolit), ch’è vegnì nominà per il premi ZDF-Aspekte.
Ses segund roman Der Sprung è cumparì il 2019 tar Diogenes ed è vegnì nominà per il Schweizer Buchpreis e sco cudesch preferì dal Deutschschweizer Buchhandel.
Il favrer 2022 è cumparida sia racolta poetica längst fällige verwilderung – gedichte und gespinste (Diogenes), che ha survegnì ina Literarische Auszeichnung da la Citad da Turitg, sco er ina recumandaziun poetica da la Deutsche Akademie für Sprache und Dichtung, il 2023, dal Lyrikkabinett München e da la Haus für Poesie da Berlin.
Simone Lappert è presidenta da l’Internationales Lyrikfestival Basel, commembra da la giuria dal Basler Lyrikpreis, co-fundatura da la retscha transdisciplinara Raum für Unsicherheit, columnista litterara per la rubrica “Notabene” da SI e commembra da l’A*dS (Auturas ed auturs da la Svizra). Sia lavur litterara è vegnida sustegnida e renconuschida pliras giadas.