Sonda als 4 d’october
A las 11:30, Casa Torre
Dialog tranter Prisca Agustoni e Gianna Olinda Cadonau.
Scriver tranter las linguas.
(FR / RM / DE / IT /PT)
Prisca Agustoni è naschida a Lugano e dapi 2003 viva ella tranter la Svizra e la Brasilia, nua ch’ella instruescha litteratura e lavura sco translatura. Ella collavurescha cun pliras gasettas talianas sco translatura e critica litterara. Questa poeta multilingua ha debutà il 2002 cun il cudesch Inventario di voci, suandà da bleras publicaziuns per talian, franzos e portugais, cun las qualas ha ella survegnì blers premis e renconuschientschas. Tranter sias ovras chattainsa Un ciel provisoire (Samizdat, 2015); L’ora zero (Lietocolle, 2020); Verso la ruggine (Interlinea, 2022, Premi Svizzer da litteratura /Finalist dal premi Fortini); O gosto amargo dos metais (7Letras, 2022, Premi Oceanos e Premi BH da poesia); Quimera (Círculo de poemas, 2025) ed il nov L’animale estremo (Interno poesia, 2025, finalist dal Premio Strega). Dapi 2015 è ella commembra dal comité da programmaziun dal festival Chiasso Letteraria.
Gianna Olinda Cadonau scriva poesias e prosa en rumantsch e tudestg. Tar editionmevinapuorger èn cumparidas duas racoltas poeticas, Ultim’ura da la not – Letzte Stunde der Nacht, 2016 e pajais in uondas – wiegendes Land, 2020. L’emprim ha survegnì il Premi Terra Nova da la Fundaziun Schiller Svizra. Il 2023 è cumparì il roman Feuerlilie tar Lenos Verlag. Il manuscrit è vegnì undrà dal Premi Studer/Ganz il 2022. Gianna Olinda Cadonau è responsabla da la promoziun culturala tar la Lia Rumantscha e s’engascha in divers gremis per la cultura en il Grischun. La poeta viva en Cuira cun ses um e lur figl.