Sonda als 5 d’october
14:30, Casa Torre
Massimo Zenari preschenta Thilo Krause
(DE/IT)
Massimo Zenari, da Lugano, suenter ils studis da litteratura e musicologia ha dà scola da filologia a l’Universitad da Friburg. Dapi 2008 lavura el tar Rete Due da Radiotelevisione svizzera di lingua italiana, ensemen cun ils realisaturs da l’emissiun culturala emnila Alice. El sa fatschenta cun litteratura medievala, contemporana e svizra. El maina la retscha litterara da la Pro Grigioni italiano
Thilo Krause, naschì en 1977 a Dresden, viva a Turitg. Suenter studis d’inschigneria economica a Dresden e Londra ha el promovì tar la Scola politecnica federala da Turitg ed ha lura lavurà ditg en la perscrutaziun. Dapi 2012 èn cumparids quatter racoltas poeticas ed in roman. Sia davosa ovra: Dass uns findet, wer will (poesias, Carl Hanser Verlag, Minca). Per sia ovra ha Thilo Krause survegnì bleras renconuschientschas, tranter auter il Premi svizzer da Litteratura, il ZKB Schillerpreis, il Clemens-Brentano-Preis, il Robert-Walser-Preis ed il Peter-Huchel-Preis.