Gievgia als 2 d’october
A las 17:00, Piazza Poschiavo
Lectura plurilingua
Performanza da lecturas da las persunas che han prendì part al curs da translaziun litterara, cun la participaziun da Dorotea Crameri
(DE / IT)
Dals 29 da settember als 2 d’october organisescha Lettere dalla Svizzera alla Valposchiavo in lavuratori da translaziun litterara. Otg giuvnas translaturas e translaturs han lavurà, sut la direcziun d’Anna Ruchat, per translatar insaquants texts da giasts da questa ediziun dal festival. La plazza da Poschiavo retschaiva lur lectura collectiva, chorala e plurilingua, introducida da la violinista Dorotea Crameri.
Oriunda da Poschiavo, Dorotea Crameri è cumpositura, chantautura e musicista. Ella ha collavurà cun l’Opera Baltica da Gdańsk, l’Opera da Turitg, il Teater da Basilea ed il Radio Naziunal Svizzer. Il 2019 ha ella survegnì l’emprim premi da l’Ostschweizer Kurzfilmwettbewerb, en la categoria sut 20 onns. Il 2020 ha ella absolvì cun success ils studis artistics da basa per violina, al Conservatori da Vorarlberg en Austria. Il 2021 è ses videoclip musical per ‘Little Lady’ arrivà finalist da la concurrenza da films curts en la categoria sut 21 onns. L’onn suandant, cun sia sora Milena Crameri, ballarina e coreografa, ha ella survegnì il Premi da promoziun culturala dal Chantun Grischun. Il 2023 ha ella absolvì il Bachelor en cumposiziun per film, teater e medias a l’Universitad dals Arts da Turitg ed il 2024 è ella arrivada segunda al band contest BandXost cun sia band Argent Vif.