Philippe Rahmy, autur genevrin tranter ils auturs ils pli significativs da la scena litterara svizra. Dapi sia uffanza ha el patì da la furmaziun da l’ossa imperfetta, la “malsogna da l’ossa da vaider”. Rahmy è mort il 2017. Cun sias ovras (Mouvement par la fin, Béton armé, Allegra) ha el survegnì bleras renconuschientschas, tranter las qualas il Premi svizzer da Litteratura. Il 2021, suenter sia mort, ha el survegnì il Grand Prix CF Ramuz, il premi il pli impurtant da la Svizra franzosa. A Lettere dalla Svizzera alla Valposchiavo vegn preschentà, sco premiera absoluta, IL LIBRO DEL RITORNO, edì da Lou Lepori (Effigie edizioni, 2024 – cun la coordinaziun da Casa della letteratura per la Svizzera Italiana). Quai è la trilogia cumpletta, translatada per talian da Monica Pavani, Luciana Cisbani e Lou Lepori.