Dumengia als 5 d’october
A las 10:00, Casa Torre
Elvira Dones en dialog, davart sia ovra, cun Simone Pellicioli.
Realissem e poetica dal linguatg narrativ d’Elvira Dones.
(IT)
Elvira Dones è naschida a Durrës e creschida si a Tirana (Albania). Il 1984 survegn ella in diplom en litteratura englaisa ed albanaisa a l’Universitad dal Stadi a Tirana. Il 1988 banduna ella ses pajais – da quel temp anc sut la dictatura communista – e sa tschenta en Svizra. Da 2004 enfin 2015 viva ella e lavura en ils Stadis Unids, l’emprim a Washington D.C., lura en California, a la riva dal Golf da San Francisco. Ella turna per adina en la Svizra taliana a la fin da 2015. Elvira Dones è autura bilingua, albanais e talian, ha scrit otg romans (trais da quels en talian), duas racoltas da raquints, insaquants scenaris. Ses cudeschs èn vegnids translatads en pliras linguas europeicas. Ella ha er realisà ina seria da documentaris per RSI – Radiotelevisione svizzera.
Simone Pellicioli, naschì il 1984, è creschì si en il Grischun, a Poschiavo. Suenter in Bachelor ed in Master en Scienzas da l’educaziun, in Master en Litteratura e Filologia talianas ed in Diplom da scolast da gimnasi a l’Universitad da Friburg instruescha el ussa talian e geografia en il Tessin. El s’occupa da critica litterara ed è stà commember da la giuria dal renumà Premio Strega il 2012. El è stà quatter onns redactur dals Quaderni della Pro Grigioni Italiano (PGI) per la secziun Valposchiavo. El tegna referats davart auturs e tematicas che al fascineschan (auturs da la Svizra taliana, ovras d’Umberto Saba, linguas e translaziuns da J.R.R. Tolkien, dialect dal Puschlav, cinematografia) e fa savens moderaziuns ed intervistas per eveniments culturals.