Co esa da discuorrer üna lingua main e main incletta? Che es l’intersecziun cun üna lingua chi’s derasa vieplü? Che es la bellezza d’inscunters? Co supportar l’esser individuum ed al listess mumaint part inseparabla da l’umanità? Ingio finischa il sentimaint d’appartgnentscha? Che es l’effet da splerin d’ün vesti da saida cotschen? Che significha dad esser cosmopolita in ün muond chi vegn dominà vieplü da despots, foss da classa, guaffens digitals e da crisas climaticas? Che bös-chs dessan gnir implantats? E l’uffant? Indegnà, ludic, politic, schreg, poetic, disperà, plain spranza, cumplex, be umur, pretensius, fin e sincer.