Venderdi als 4 d’october
20:00, Casa Torre
Avertura dal festival
- Vulcano, performance d’Olimpia De Girolamo, en collavuraziun cun RSI Rete Due
- Salids dal comité e da las autoritads
- Performance musicala da Kety Fusco
Vulcano è in ciclus da performanzas ideà da
RSI Rete Due en collavuraziun cun insaquants eveniments litterars svizzers.
Per Lettere dalla Svizzera alla Valposchiavo ha Olimpia De Girolamo creà “Senza una stanza”.
Olimpia De Girolamo è naschida a Napoli il 1975 e viva en Svizra dapi 2002. Ella è actura, formatura teatrala, dramaturga e scriptura, e co-manadra da l’Agorà Teatro da Magliaso. Sia emprima ovra per il teater è il monolog La Mar. Ella sa lascha enconuscher sco autura cun guadagnar la concurrenza Opennet da la Sentupada Litterara a Soloturn cun il raquint “Il primo scalino. L’assalto del passato” che daventa lura ina part da ses emprim roman Tutto ciò che siamo stati, edì il 2022 da Gabriele Capelli Editore, translatà per franzos da Lucie Tardin per las ediziuns La Veilleuse en 2024. Ella survegn il stipendi per la creaziun litterara da Pro Helvetia il 2023 e l’avrigl 2024 publitgescha ella ses segund roman Volontà. Ses raquint titulà “Quattro del mattino” è publitgà en il numer 18 da Viceversa Litteratura.
Kety Fusco è naschida en Italia il 1995 ed è svizra d’adopziun. Ella cumenza a sunar l’arpa cun sis onns ed absolva pli tard il Conservatori da Lugano. Ella è diplomada en arpa classica e specialisada en ils Arts en Music Performance e sviluppescha cun ils onns ina gronda voluntad d’experimentar cun ses instrument. Ella decida lura da sa deditgar a l’arpa electrica, cumenzond ina retschertga da suns originala. Il 2020 publitgescha ella ses album da debut, DAZED, e survegn cun el trais nominaziuns als Swiss Live Talents Awards. Ella vegn envidada a sunar en lieus da prestige sco il Montreux Jazz Festival, il Locarno Film Festival, il Paléo Festival e l’Arena da Verona. Dal 2021 è ella vegnida envidada da las Naziuns Unidas en il gremi dal SDG Global Festival of Action, nua ch’ella ha cumpartì a moda virtuala il palc cun Patti Smith e Ben Harper. Il 2022 è ella vegnida elegida per avrir la turnea da la musicista danaisa Agnes Obel. Il schaner da 2023 ha ella participà a l’Eurosonic Festival da Groningen (NL) ed il label svizzer Floating Notes Records ha publitgà ses emprim single or da l’album THE HARP, Chapter I, in project ch’è naschì durant la residenza artistica en il rom da New Echo System da la Fundaziun svizra per la cultura Pro Helvetia, en collavuraziun cun Montreux Jazz Artists Foundation a Venezia.