Sonda als 4 d’october
A las 14:30, Casa Torre
RSI RETE DUE «ALICE» cun Joseph Incardona e Luca Brunoni. Moderescha Moira Bubola.
(IT)
Joseph Incardona è naschì a Losanna il 1969 d’in bab sicilian e d’ina mamma svizra. Persunalitad atipica ed autur productiv, enconuschent cunzunt en l’ambit dal roman «noir» e social dals 19avel e 20avel tschientaners. Sias ovras sa distinguan per lur tun curius che metta ensemen luciditad, umor e sensibilitad. Narratur talentà, fascinà da las diversas nianzas dal tragic è Joseph Incardona er adina en tschertga da la furma da stil gista, senza concessiuns ni firlefanzas. El ha survegnì pliras renconuschientschas e ses romans èn vegnids translatads en ina dunsaina da linguas.
Luca Brunoni, naschì e creschì si a Lugano, viva dapi plirs onns a Neuchâtel, nua ch’el dat scola. El ha publitgà dus romans en talian, Silenzi (2019) ed Indelebile (2021), omadus tar GCE. L’emprim è vegnì translatà en franzos da Joseph Incardona ed è vegnì ora tar Finitude il 2023. Suenter questa experientscha ha Brunoni decis da scriver en franzos ses davos roman, En surface, publitgà puspè tar Finitude il 2025.
Alice è il magazin emnil da Rete Due che s’occupa da litteratura. Tut las sondas dapi las 14:35 chattan istorgias, cudeschs ed ideas in lieu per vegnir profundads grazia a scuntradas cun auturas ed auturs, editur:as e translatur:as.
Suenter in diplom en litteratura e pliras experientschas da lavur sa preschenta Moira Bubola tar RSI. Ella fa ses emprims pass tar Rete Tre e suenter inqual onns, grazia a sias duas passiuns – kino e litteratura – sa tschenta ella dal tuttafatg natiralmain tar Rete Due. Qua s’occupa ella d’actualitad cultural en il senn pli vast e vegn ella er en televisiun per preschentar pliras sairadas spezialas ed a la fin manar la redacziun da l’actualitad culturala. Suenter in pèr onns en questa rolla vegn ella elegida per manar il Centro competenza cinema e letteratura, ina redacziun transversala en tut la firma che suonda a moda punctuala festivals ed eveniments litterars e da kino. Tranter sias grondas amurs resista e vegn adina pli ferma quella per la poesia – l’emprima gronda amur che l’aveva motivada da studegiar litteratura.