Dumengia als 6 d’october
16:00, Casa Torre
PREMI GRISCHUN DA LITTERATURA / Bettina Vital preschenta Jessica Zuan
(RM/IT)
Bettina Vital ha studegià cumparatistica da las linguas neolatinas, tudestg e rumantsch a l’Universitad da Turitg. Da 2013-2017 ha ella coordinà las translaziuns rumantschas tar la Chanzlia federala a Berna. Lura è ella stada translatura independenta, lectora e redactura responsabla per l’annuari Chalender Ladin. A partir da november 2024 maina ella la partiziun Lingua tar la Lia Rumantscha. Vital è co-curatura dal festival LitteraturA Nairs, co-organisescha OPERETTA ARDEZ ed è dapi il 2024 commembra dal Cussegl da Fundaziun da la Pro Helvetia.
Jessica Zuan (1984) es creschida sü in Engiadin’Ota a La Punt Chamues-ch e Segl Maria. Daspö 17 ans viva, scriva e lavura ella a Barcelona. Fin hoz sun cumparieus trais toms poetics: L’orizi / La tempête (Samizdat, 2017) Stremblidas e s-chima (Chasa Editura, 2019) e Launa da pavagls (Chasa Editura, 2023). Sias ouvras sun gnidas tradüttas in tudas-ch, frances e catalan e singulas poesias in taliaun, galiziaun, polac, basc, rumen ed eston. Astrid Alexandre, Martina Linn, Bruno Pedretti ed Artem Pervushin haun miss in musica sieus vers.
L’autura publichescha regulermaing in revistas ed antologias, es commembra da la suprastanza da la ULR (Uniun per la Litteratura Rumauntscha) e co-redactura da la revista La Litteratura.
Per sia lavur cul pled ho Jessica Zuan survgnieu il Premi grischun da litteratura 2023, il Premi Nollegiu 2023 (categoria meglder poemari tradüt in lingua catalana) a Barcelona, ün Premi da promoziun culturela dal Chantun Grischun l’an 2019 ed il premi da promoziun da la Regiun Malögia 2019.