Sonda als 5 d’october
16:00, Casa Torre
VICEVERSA LETTERATURA
Ruth Gantert preschenta il numer 18 da la revista, cun la participaziun d’Asa Hendry ed Olimpia De Girolamo
(DE / FR / IT / RM)
Viceversa Litteratura, cumparida per l’emprima giada il matg da 2007, è ina revista annuala deditgada a la litteratura svizra. Ella vegn publitgada per talian (Bellinzona, Edizioni Casagrande), franzos (Genève, Editions Zoé) e tudestg (Zürich, Rotpunktverlag), en trais volums differents e nascha da l’experientscha da la revista romanda «Feuxcroisés» cun l’intenziun da promover ils barats litterars sur las barrieras linguisticas.
Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb www.viceversaletteratura.ch.
Asa Hendry, naschì 1999 ella Val Lumnezia, lavura el spazi da litteratura, teater e performanza. Asa Hendry ei carschì si el Grischun, ha studegiau a Berna scienzia da teater e genderstudies e finescha momentan a Gießen (DE) il bachelor en scienzia da teater applicada. Hendry ha gudignau pliras gadas il Premi Term Bel e ha survegniu per il roman Sin lautget (Cuera: Chasa Editura Rumantscha, 2018) il premi da litteratura Grischun. Momentan scriva e lavura Hendry allas intersecziuns da muntognas, queerness ed animaziun da 3D. Asa Hendry viva a Gießen ed el Grischun.
Olimpia De Girolamo è naschida a Napoli il 1975 e viva en Svizra dapi 2002. Ella è actura, formatura teatrala, dramaturga e scriptura, e co-manadra da l’Agorà Teatro da Magliaso. Sia emprima ovra per il teater è il monolog La Mar. Ella sa lascha enconuscher sco autura cun guadagnar la concurrenza Opennet da la Sentupada Litterara a Soloturn cun il raquint “Il primo scalino. L’assalto del passato” che daventa lura ina part da ses emprim roman Tutto ciò che siamo stati, edì il 2022 da Gabriele Capelli Editore, translatà per franzos da Lucie Tardin per las ediziuns La Veilleuse en 2024. Ella survegn il stipendi per la creaziun litterara da Pro Helvetia il 2023 e l’avrigl 2024 publitgescha ella ses segund roman Volontà. Ses raquint titulà “Quattro del mattino” è publitgà en il numer 18 da Viceversa Litteratura.